📍 Локација: Дневен Центар ГНЕЗДО, ул. 3 Македонска Бригада бр. 10А, Скопје
📅 Времетраење: Минимум 3 месеци (со можност за продолжување)
⏰ Ангажман: Флексибилно работно време

Новинари за човекови права објавува повик за ангажирање 4 волонтери за работа со деца во ризик и 1 волонтер за комуникација и видливост преку социјалните мрежи за потребите на проект Зајакнување на иднината во Дневен Центар ГНЕЗДО.

Ова е одлична можност за сите кои сакаат да придонесат за заедницата, да стекнат искуство во социјална работа и комуникации, и да бидат дел од динамичен и посветен тим.

1️⃣ Волонтери за работа со деца во ризик (4 позиции)

Клучни задачи:

  • Поддршка при изведување дневни активности (игри, работилници, едукативни сесии);
  • Асистенција при индивидуални и групни работни сесии со децата;
  • Поттикнување безбедна и поддржувачка средина за развој и учење;
  • Соработка со воспитувачи, психолози и социјални работници.

Пожелни квалификации:

  • Студенти или дипломирани од областа на социјална работа, психологија, педагогија или сродни науки (предност, но не задолжително);
  • Искрена желба за работа со деца од ранливи категории;
  • Трпеливост, емпатија и одговорност;
  • Тимски дух и флексибилност во динамична средина.

2️⃣ Волонтер за видливост на проектот (1 позиција)

Клучни задачи:

  • Управување со социјалните мрежи на центарот (Facebook, Instagram, TikTok, LinkedIn);
  • Креирање и објавување содржини (текст, фотографии, видеа) поврзани со активностите на проектот;
  • Промоција на работата на центарот преку дигитални алатки и кампањи;
  • Вмрежување со сродни организации и креативен пристап за зголемување на видливоста.

Пожелни квалификации:

  • Познавање на креирање содржини за социјални мрежи;
  • Способност за пишување кратки и ефективни текстови;
  • Основни вештини во Canva, Photoshop или слични алатки (предност, но не задолжително);
  • Креативност, проактивност и интерес за дигитални медиуми.

✅ Што нудиме?

  • Работа во инспиративна и поддржувачка средина;
  • Вредно практично искуство и можност за личен и професионален развој;
  • Сертификат за волонтирање и препорака за идни можности;
  • Покриени основни трошоци поврзани со волонтерскиот ангажман.

📨 Како да аплицирате?

Испратете кратко мотивациско писмо на empoweringfuturesjhr@gmail.com најдоцна до 1 мај 2025 година.

Придружете ни се и направете позитивна промена во животите на децата! 💛